Pasi Argjentina e mbylli pjesën e parë në avantazh 1-0 ndaj Arabisë Saudire me gol të Lionel Messit, me fillimin e së dytës erdhi përmbysja e pabesueshme.
Minuta e 48-të dhe vendoset barazpesha në këtë ndeshje.
Në goditjen e parë drejt portës bardhekaltër, sulmuesi arab S. Al-Shehri i vjedh kohën Romeros dhe godet me finesë, duke gjetur këndin e pamundur për t’u mbrojtur nga portieri Martinez.
Trajneri Scaloni dukshëm i mërzitur me të tijtë, sepse kanë shpërdoruar shumë dhe tashmë duhet ta nisin gjithçka nga “zero”, në kërkim të golit të avnatazhit.
Në fakt, gjithçka përmyset në minutën e 53-të, kur S. Al Daësari ndëshkon për herë të dytë brenda pak minutash Argjentinën.
Goditje e fortë për amerikano-jugorët, që nuk e prisnin një reagim kaq të fortë të kundërshtarit.
