“Taksa e pronës” shqetëson Dhomën Amerikane, apel ministrisë: Mos rëndoni qytetarët
koka// Pas publikimit nga qeveria të projektligjit “Për taksën mbi pasurinë e paluajtshme”, Dhoma Amerikane e Tregtisë i është drejtuar me një letër ministrisë së Financave ku ngre shqetësimin se ndryshimet e propozuara në këtë projektligj katërfishojnë normën e taksës së pasurisë.
Teksa ministria e Financave ka hedhur për konsultim nismën për rishikimin e taksës së pronës, ku parashikohet rritje e ndjeshme e saj, shoqatat e biznesit kanë nisur nga kritikat dhe sugjerimet se si drafti mund të përmirësohet.
Konkretisht Dhoma Amerikane e Tregtisë i ka dërguar një letër ministrisë së Financave, ku thekson se drafti i paraqitur ka nevojë për ndërhyrje serioze, ku fokusi të jetë vlershmi saktë i pronës, siguria dhe zhvillimi i saj.
Sipërmarrësit e vënë theksin se rritja e të ardhurave në buxhet nuk duhet të vijë nga rritja e taksave për qytetarët.
“Konstatojmë se tarifat e reja janë shumë të larta krahasuar me ato ekzistuese. Në relacion flitet për rritje të të ardhurave nga taksa e pasurisë por rritja duhet të vijë nga mirëadministrimi dhe jo nga katërfishimi i normës tatimore”, citohet në letër.
Për këtë arsye Dhoma Amerikane i kërkon dikasterit të financave të rishikojë metodologjinë e përdor si dhe çmimet e referencës që janë caktuar për çdo zonë të cilat sipas AmCham duhet të reflektojë vlerën reale të tregut deri tek tagri i pakufizuar që i është dhënë pushtetit vendor.
“Konstatojmë se ky projektligj ka probleme thelbësore në konceptim dhe në shkrim. Problemet i vërejmë në formulimin e disa përkufizimeve të cilat janë të paqarta, evazive, pa referenca të sakta dhe në disa raste të pasakta por edhe në mbivendosjen apo përplasjen e dispozitave me ligje të tjera”,
persa i perket metodologjose se vlersimit dhoma amerikane nenvizon se duhet te behet nga ligji dhe jo te lihet ne dore te plote te qeverise, pasi eshte ne kundershtim me kushtetuten
“Neni 118 i Kushtetutës përcakton se “Aktet nënligjore nxirren në bazë dhe për zbatim të ligjeve nga organet e parashikuara në Kushtetutë. Ligji duhet të autorizojë nxjerrjen e akteve nënligjore, të përcaktojë organin kompetent, çështjet që duhen rregulluar, si dhe parimet në bazë të të cilave nxirren këto akte”,
Dhoma Amerikane rendit edhe sfidat për suksesin e këtij projektligji.
“Problematikat ligjore ekzistuese lidhur me pronat e paluajtshme në vendin tonë, mungesa e një baze të saktë të të dhënave për taksën e pasurisë së paluajtshme si dhe përcaktimi dhe zbatimi i metodologjisë efektive janë sfidat kryesore për suksesin e këtij projektligji”
Qeveria në projektligjin “Për taksën mbi pasurinë e paluajtshme” i publikuar në fillim të muajit Gusht rrit çmimet e referencës së apartamenteve mbi të cilat bëhet vlerësimi i taksës së pasurisë, me qëllim afrimin e vlerës së tyre me tregun aktual të shitjes dhe blerjes së pasurive të paluajtshme.
