Ellie Goulding dhe Sienna Miller janë në pritje të ëmbël.
Të dyja vajzat zbuluan barkun e rrumbullakosur në tapetin e kuq Fashion Awards 2025 mbrëmjen e së hënës në Londër.
Anëtari më i ri i familjes është fëmija i saj i parë me aktorin 28-vjeçar Beau Minniear. Goulding ka edhe një djalë 4-vjeç nga martesa me Caspar Jopling e cila mori fund në shkurt të 2024-ës.
Më herët, ajo ka thënë se ata mbeten miq dhe kanë një raport shumë të mirë bashkëprindërimi.
Goulding dhe Minniear kanë preferuar që lidhja e tyre të qëndrojë larg vëmendjes. Në këngën e saj të fundit, “Destiny”, ai ishte protagonist në videoklip ku nuk munguan edhe disa skena të nxehta.
Sienna Miller është shtatzënë për herë të tretë. 43-vjeçarja do të sjellë në jetë fëmijën e dytë me aktorin Oli Green.
Ajo parakaloi në tapetin e kuq e veshur me një fustan të bardhë e të tejdukshëm nga Givenchy.
Aktorja ka një vajzë, Marlowe me ish-in Tom Sturridge që erdhi në jetë në 2012, kurse vajza e dytë me Oli lindi në janar 2024.
