Shërbimi Meteorologjik Ushtarak njoftoi se vendi ynë do të ndikohet sot nga kushte atmosferike të paqëndrueshme.
Sipas njoftimit, të shtunën moti parashikohet me vranësira mesatare deri të dendura e alternime kthjellimesh pas orëve të mesditës. Vranësirat do të shoqërohen me reshje shiu me intensitet të ulët në pjesën më të madhe të territorit, ndërsa përgjatë Ultësirës Perëndimore reshjet parashikohen më të herëpashershme me intensitet deri mesatar e hera-herës në formën e shtrëngatave, shoqëruar me shkarkesa elektrike.
Në zonën e Alpeve dhe lartësitë mbi 1500 metra në verilindje priten reshje të dobëta dëbore.
Era do të fryjë me drejtim nga kuadrati i jugut me shpejtësi mesatare me shpejtësi mesatare 8 m/s, përgjatë vijës bregdetare dhe lugina era me shpejtësi deri në 17 m/s shoqëruar me dallgëzim në dete të forcës 2-3 ballë.
Temperaturat parashikohen:
| QYTETET | Temperaturat | Siglat |
| Shkodër | 10/18 | Re shi diell |
| Kukës | 9/12 | Re shi diell |
| Lezhë | 12/17 | Re shi diell |
| Dibër | 7/10 | Re shi diell |
| Durrës | 13/20 | Re shi diell |
| Tiranë | 15/20 | Re shi diell |
| Elbasan | 14/20 | Re shi diell |
| Berat | 12/20 | Re shi diell |
| Vlorë | 15/21 | Re shi diell |
| Korçë | 8/15 | Re shi diell |
| Gjirokastër | 11/20 | Re shi diell |
| Sarandë | 16/20 | Re shi diell |
