Ish-kryeministri Fatos Nano raportohet se ndodhet në gjendje të rëndë shëndetësore.
Burime nga spitali Hygea, ku ai ndodhet i shtruar prej të paktën 10 ditësh, bëjnë të ditur se Nano ka pësuar trombozë në mushkëri.
Ai ndodhet në reanimacion, nën monitorimin e mjekëve.
Prej vitesh, Fatos Nano, 73-vjeç, vuan nga insuficienca respiratore, pamjaftueshmëri e mushkërive për të funksionuar normalisht.
Përgjatë viteve të fundit, ai ka shfaqur probleme të vazhdueshme, duke u detyruar të kurohej në spital.
Në gusht të vitit 2023, si pasojë e përkeqësimit të gjendjes së tij shëndetësore, ai u intubua dhe qëndroi në spital për gati një muaj.
Fatos Nano ka qenë 3 herë kryeministër i vendit në periudha të ndryshme dhe u largua nga pushteti dhe drejtimi i Partisë Socialiste në vitin 2005.
Ai ka qenë kryetar i PS-së për 13 vjet. Kryeministri Edi Rama e nderoi atë me “Ylli i Mirënjohjes Publike” për kontributin e tij në drejtimin e vendit.
