Ditën e sotme, vendi ynë do të ndikohet nga kushte atmosferike të qëndrueshme. Moti do të jetë i kthjellët në të gjithë territorin, pa prani reshjesh apo zhvillime të ndjeshme vranësirash.
Sipas Shërbimit Meterologjik Ushtarak era do të fryjë nga drejtimi verilindje, veriperëndim, me një shpejtësi mesatare rreth 5 m/s, ndërsa përgjatë vijës bregdetare pritet të arrijë deri në 9 m/s, duke sjellë një ndjesi freskie, veçanërisht në orët e pasdites.
Deti do të paraqitet i qetë, me valëzim të ulët, rreth forcës 1 ballë, çka e bën të përshtatshëm për lundrim dhe aktivitet turistik bregdetar.
