Gjykata ka lënë në burg R.G., i cili dyshohet si autor i masakrës me dy të vrarë dhe dy të plagosur të ndodhur disa ditë më parë në Shkodër.
Gjykata ka vlerësuar si të ligjshëm ndalimin e tij dhe ka vendosur masën e sigurisë “arrest me burg”.
R.G., për shkak të krimit të rëndë që dyshohet se ka kryer u shoqërua për në gjykatë nën masa të forta sigurie.
28-vjeçari është i dyshuar për vrasjen e Armando Palit dhe Liridon Krajës, si dhe për plagosjen e E.V., dhe M.K.
