Tre persona u arrestuan nga Policia e Durrësit pasi ndezën zjarre për të djegur mbeturinat në tokat e tyre, por flakët dolën nga kontrolli dhe shkrumbuan sipërfaqe të tëra me pemë frutore.
Policia njoftoi se të arrestuarit janë banues në fshatrat e Kavajës dhe Rrogozhinës.
Zjarri i ndezur prej tyre shkaktoi edhe djegien e një banese të pabanuar.
Policia e Shtetit apelon që banorët e zonave rurale të mos ndezin zjarre për djegien e mbeturinave ose mbetjeve bujqësore, për të parandaluar rreziqe të tilla për jetën dhe pronën.
