Rruga e Dukagjinit, ose aksi Prekal-Lotaj-Ndërlysaj, po merr formë si një nga segmentet më të rëndësishme rrugore të veriut të vendit.
Ky aks lidh Shkodrën me Lekbibaj në Tropojë dhe vijon drejt Bajram Currit, luginës së Valbonës dhe më tej me Gjakovën në Kosovë, duke krijuar një korridor jetik për zhvillimin ekonomik dhe turistik.
Ky investim do të sjellë përfitime të mëdha jo vetëm për banorët e fshatrave përreth, si Kir, Prekal, Shosh, Shalë, Bradhosh dhe Xhan, duke i lidhur direkt me Shkodrën, por edhe për zhvillimin e tërë rrjetit rrugor të Alpeve Shqiptare.
Kryeministri Edi Rama në një postim në rrjetet sociale ka theksuar se ky projekt do të ketë një impakt të rëndësishëm në fuqizimin e turizmit dhe ekonomisë rurale, duke kontribuar në përmirësimin e infrastrukturës dhe jetës së komuniteteve lokale.
