Në një konferencë për mediat, ministri i Drejtësisë Ulsi Manja raportoi rekomandimet e qeverisë për luftën ndaj kriminalitetit 2025. Këto të fundit prekin 8 fusha kryesore, që nga respektimi i të drejtave të njeriut e deri te bashkëpunimi efikas me ndërkombëtarët.
“Rekomandimet janë hartuar mbi bazën e një analizë të thelluar, të dhënave statistikore të raportuara nga vetë organi i Prokurorisë dhe veçanërisht në kuadër të procesit të integrimit të vendit në BE”, theksoi në krye të herës Manja.
“Kërkohet respekktimi i parimit të prezumimit të pafajësisë, shmangia e vonesave në hetime dhe përdorimi proporcional i masave të sigurimit. Institucionet e drejtësisë orientohen të promovojnë procedurat e posaçme, veçanërisht për të miturit. Së dyti, forcimi i luftës kundër kriminalitetit, rritje e hetimeve të nisura dhe ndjekje penale për korrupsionin, veçanërisht të niveleve të larta. Të forcohet bashkëpunimi ndërkombëtar e po ashtu lufta ndaj krimit kibernetik.Integriteti, transparenca dhe konkurrueshmëria. Mbrojtja e të dhënave personale dhe respektimi i sekretit hetimor. Investim në teknologji e burime njerëzore. Trajnim për antikorrupsion, krimin e organizuar dhe krimet kibernetike, të jenë prioritet kombëtar. Qeveria do e mbështesë financiarisht.Metodat bashkëkohore të hetimit, sugjerohet përdorimi i AI dhe analizës së të dhënave që janë thelbësore në hetimin e krimeve komplekse. Bashkëpunimi ndërinstitucional, duhet një strategji mes SPAK, Policisë dhe institucioneve të tjera publie, marrëveshje për shkëmbim të të dhënave, përcaktim i pikave të kontaktit. Bashkëpunim me ndërkombëtarët, për ndjekien penale të krimit të organizuar ndërkombëtar”, deklaroi Manja.
