Britania e Madhe dhe SHBA-ja do të zgjidhin shqetësimet në lidhje me paketën e subvencioneve të gjelbra të Joe Biden, tha kryeministri britanik, Rishi Sunak përpara bisedimeve me presidentin amerikan.
Sunak përshëndeti angazhimin e administratës Biden për të trajtuar ndryshimet klimatike, ndërsa shtoi se Britania e Madhe kishte ngritur tashmë shqetësime rreth masave në Aktin e Reduktimit të Inflacionit (IRA).
Paketa prej 430 miliardë dollarësh është një përpjekje për ta bërë ekonominë miqësore me mjedisin, përmes kredive tatimore për teknologjinë e gjelbër.
Gjithashtu, kjo ka tensionuar marrëdhëniet tregtare me vendet evropiane, përfshirë Britaninë e Madhe, të cilat janë ngrirë jashtë tregjeve amerikane.
Vizita e presidentit Biden, i cili shpesh ka theksuar rrënjët e tij irlandeze dhe ka treguar një interes të madh për çështjet që lidhen me marrëveshjen, pritet të zhvillohet me rastin e 25 vjetorit te Marrëveshjes së të Premtes së Mirë, më 10 prill.
