Kryeministri Edi Rama dhe zv.kryeministrja njëherësh ministrja e Infrastrukturës dhe Energjitikës, Belinda Balluku morën pjesë këtë të premte në hapjen e tunelit të Murrizit, pjesë e Rrugës së Arbrit. Teksa Rama përshëndeste të pranishmit në hyrje të tunelit, dëgjoheshin edhe thirrje të tilla si “Mirëseerdhe Skënderbeu i Shqipërisë!”, apo “Ti je më i miri, e mbajte premtimin!” apo dhe “Plasi syri i keq!”.
Në një moment Rama pa një fëmijë me telefon në dorë e mori në krahë teksa vijoi më tej të përshëndetej me banorët dhe stafin e punonjësve të këtij kantieri.
“Jemi shumë të lumtur për këtë vepër. Jemi të kënaqur që ky tunel u bë”, u shpreh një banore teksa grupi udhëton me autobus drjet sheshit të kantierit për inaugurim.
“Dibra nuk shpëtoi, Dibrën e shpëtuam ne, tani edhe Maqellarë-Peshkopi, mbaron në prill. Nuk besojnë ata, thonë do e lënë se e kanë për zgjedhje”, tha Rama.
