Kryetari i Partisë Demokratike, Sali Berisha, është takuar në Gjermani me ish-Presidentin e Ukrainës, Petro Poroshenko, dhe me kryetarin e Bashkisë së Berlinit, Kai Wegner.
Këto takime, kryedemokrati i ka realizuar gjatë pjesëmarrjes në Kongresin e CDU-së në Gjermani, ku ishte i ftuar të merrte pjesë.
Berisha i ka publikuar momentet e takimeve në rrjetet e tij sociale.
Gjatë pjesëmarrjes në Kongresin e CDU, Sali Berisha u takua edhe me kreun e kesaj partie, Fridrih Merz, i cili shihet si pretendenti fitues në postin e Kancelarit të Gjermanisë.
