Një zjarr i fuqishëm ka përfshirë godinën e Universitetit të Tuscias, në qytetin italian të Viterbos.
Flakët nisën nga çatia ku po kryheshin punime dhe u përhapën me shpejtësi, duke përfshirë laboratorët e kimisë.
Të gjithë studentët, mësuesit dhe stafi u evakuuan menjëherë nga ambientet e universitetit por disa media italiane raportojnë për një person të zhdukur. Zjarri është përkeqësuar nga prania e substancave kimike në laboratorë.
Forcat zjarrfikëse dhe një njësi e specializuar ushtarake, po punojnë për të vënë nën kontroll flakët.
