Policia e Tiranës ka arrestuar 37-vjeçarin N. K., i dënuar më parë në Greqi për vjedhje. Ai akuzohet se më 8 nëntor vodhi 12 milionë lekë në një banesë në rrugën “Artan Lenja”.
Hetimet zbuluan se ai kishte kryer edhe një vjedhje tjetër me thyerje në tetor dhe në banesën e tij u gjet një sasi kanabisi.
Gjatë kontrollit u sekuestruan mjetet dhe veshjet që përdorte gjatë vjedhjeve. Policia po heton për ngjarje të tjera ku mund të jetë i përfshirë.
