Policia e Sarandës ka goditur një rast vjedhjeje në Ksamil, duke arrestuar në flagrancë një shtetase italiane dhe proceduar penalisht dy të tjera.
Ngjarja ndodhi më 21 gusht 2025, në bulevardin e Ksamilit, italianet vodhën bizhuteri, parfume dhe suvenire, me vlerë rreth 150 mijë lekë.
“Si rezultat i hetimeve të shpejta dhe profesionale, u arrestua 21-vjeçarja M.D., ndërsa bashkëpunëtoret e saj, G.D., 18 vjeçe, dhe G.C., 22 vjeçe, u proceduan penalisht në gjendje të lirë. Një pjesë e sendeve të vjedhura u sekuestrua si provë materiale. Materialet iu referuan Prokurorisë së Sarandës për veprime të mëtejshme në kuadër të veprës penale “Vjedhja”, kryer në bashkëpunim“, thotë Policia, krahas videos.
