Kryeministri Edi Rama informoi sot se të ardhurat për banorë në vit në Shqipëri janë rritur nga 3300 euro kur qeveria mori detyrën në 6190 euro sot.
Në një konferencë të përbashkët për shtyp me Përfaqësuesin e Bankës Botërore në Shqipëri, Emanuel Salinas, Kryeministri solli në vëmendje disa shifra që sipas tij, faktojnë se Shqipëria është në kushtet e një faze të re në jetën ekonomike dhe sociale të vendit.
Duke folur për rritjen e të ardhurave për banorë, Rama tha se ato janë rritur me 87.5%, ose gati janë dyfishuar.
Kryeministri Rama informoi sot se Banka Botërore ka dhënë një fond mbështetjeje prej 900 milionë dollarësh për programin e ri të zhvillimit për periudhën 2023-2027.
https://www.facebook.com/blueledED/
