Kryeministri Edi Rama iu është përgjigjur akuzave të kreut të Partisë së Lirisë, Ilir Meta për projektin e Portit të Durrësit.
Përmes një mesazhi në Twitter, kreu i qeverisë, duke ironizuar Metën theksoi se ky i fundit po përgojon një kompani që ka ndërtuar gjysmën e Dubait.
Kreu i qeverisë ka thumbuar Metën për ndryshimin e emrit të Partisë nga LSI në Partia e Lirisë, ndërsa nuk kursehet të japë dhe parashikimin e tij duke shtuar se; ‘se kjo tjetra do na lerë shumë më shpejt se e para!’
“Ai që do të ndërtojë Portin Turistik të Durrësit, ka ndërtuar gjysmën e Dubait, kurse ky që e përgojon ka ndërtuar vetëm dy parti, njëra sapo ka ikur për skrap tjetra sapo ka ardhur për lekë!
Kam edhe një ndjesi tjetër: Më duket se kjo tjetra do na lerë shumë më shpejt se e para!” -thuhet në reagimin e Ramës.
