Një ngjarje e rëndë tronditi komunitetin në Pogradec përpara disa muajsh, ku një i moshuar u arrestua, me akuzën se kishte përdhunuar një të mitur.
Tashmë, ADN-ja hedh dritë mbi rastin e përdhunimit të 12 vjeçares në Pogradec.
Burime pranë grupit hetimor bëjnë me dije se analiza e ADN-së ka përputhur materialin gjenetik të fetusit me atë të të dyshuarit, një 67 vjeçar i identifikuar si Rr. S. me njohje familjare me familjen e vajzës. Ky rezultat ka forcuar ndjeshëm provat ndaj tij.
Sipas informacioneve, e mitura ka dëshmuar në prani të psikologut, duke treguar për kërcënimet e vazhdueshme që i janë bërë për të mos e bërë publike ngjarjen. Familjarët janë marrë disa herë në pyetje, ndërsa hetuesit po punojnë për të dokumentuar çdo detaj të rastit. Ndërkaq, e mitura ka abortuar foshnjën.
Autoritetet kanë theksuar se rasti po trajtohet me prioritet maksimal, si për zbardhjen e plotë të ngjarjes, ashtu edhe për garantimin e mbështetjes mjekësore dhe psikologjike për të miturën.
Ngjarja e rëndë u zbulua në Pogradec dhe u bë publike në media në 30 dhjetor.
Hetimet kanë nisur menjëherë pas konfirmimit të shtatzënisë së të miturës, e cila në atë kohë rezultoi rreth 22 javëshe.
