Shërbimi Meteorologjik Ushtarak bëri të ditur se ditën e enjte vendi ynë ndikohet nga kushte të paqëndrueshme atmosferike.
Moti parashikohet me vranësira mesatare deri të dendura prej orëve të mesditës duke filluar nga zona e veriut dhe më pas gradualisht edhe në pjesën tjetër të territorit mot me kthjellime e vranësira kalimtare. Reshje shiu të herëpashershme me intensitet të ulët deri mesatar në pjesën më të madhe të vendit deri në orët e mesditës. Hera-herës reshje shiu në formën e shtrëngatave afatshkurtra në zonën e qendrës dhe jug. Pas orëve të mesditës reshjet e shiut mbeten prezente me intensitet të ulët deri në orët e pasdites në qendër dhe jug.
Në zonën e Alpeve reshje bore me intensitet mesatar deri të lartë, hera-herës stuhi bore, në verilindje-lindje në lartësitë mbi 100 metër dhe juglindje mbi 300-400 metër reshje dëbore me intensitet të ulët deri mestar. Ndërsa në pjesën tjetër të vendit në lartësinë mbi 400-500 metra reshjet pritet të jenë në formën e dëborës me intensitet të ulët. Pas orëve të pasdites reshjet e shiut dhe dëborës ndërpriten në pjesën më të madhe të territorit.
Era do të fryjë me drejtim verilindje – veriperëndim me shpejtësi mesatare 9 m/s, përgjatë vijës bregdetare dhe zonat luginore era me shpejtësi deri në 18 m/s me valëzimin në det të forcës 3-4ballë. Mjegull e dendur / mjegullinë dhe shikim i reduktuar për shkak të reshjeve të shiut dhe dëborës.
Temperaturat parashikohen:
| QYTETET | Temperaturat | Siglat |
| Shkodër | 3/6 | Re shi/borë |
| Kukës | -3/-1 | Re shi/borë |
| Lezhë | 5/7 | Re shi/borë |
| Dibër | -2/1 | Re shi/borë |
| Durrës | 7/10 | Re shi |
| Tiranë | 6/9 | Re shi |
| Elbasan | 3/5 | Re shi |
| Berat | 2/4 | Re shi |
| Vlorë | 5/8 | Re shi |
| Korçë | 1/2 | Re shi/borë |
| Gjirokastër | 2/4 | Re shi/borë |
| Sarandë | 5/7 | Re shi |
