Kryeministri Edi Rama ka ndarë sot në Facebook të gjitha detajet e vitit të ri shkollor 2025-2026 për arsimin bazë, të mesëm dhe të lartë. Nxënësit e arsimit bazë dhe të mesëm do të nisin mësimin më 8 shtator dhe do të përfundojnë më 12 qershor 2026.
Për maturantët, mësimi përfundon më 25 maj, ndërsa provimet do të zhvillohen mes 1-26 qershor 2026. Nxënësit e klasave të 9-ta përfundojnë mësimin më 29 maj, me provimet të planifikuara për 15-26 qershor.
Pushimet shkollore:
-Dimërore: 22 dhjetor 2025-2 janar 2026 për të gjithë nivelet e arsimit.
-Pranverore: 30 mars-3 prill 2026 për arsimin bazë.
Regjistrimet për klasat e para dhe të dhjeta vijojnë deri më 31 Gusht, përmes platformës e-Albania. Librat falas do të shpërndahen pranë shkollave, ku prindërit duhet të informohen për datat dhe mënyrën e marrjes.
Masat në shkolla: Përdorimi i telefonave gjatë mësimit apo në ambientet e shkollës mbetet i ndaluar, dhe çdo shkelje do të raportohen menjëherë tek prindërit. Nxënësit nxisin të ndjekin programet psiko-sociale dhe të mbajnë kontakt me oficerët e sigurisë në shkolla.
Konkurse kombëtare këtë vit:
-Për shkollat 9-vjeçare: Konkursi Kombëtar i Teatrit
-Për shkollat e mesme: Festivali i Shkencës
-Për klasat e 9-ta: Konkursi Kombëtar i Gjuhës Shqipe
Ky vit shkollor vjen me kushte më moderne dhe me më shumë përqendrim në sigurinë dhe mirëqenien e nxënësve, ndërsa shteti synon të inkurajojë pjesëmarrjen aktive të prindërve dhe bashkëpunimin me strukturat arsimore.
