Gjykata Supreme e SHBA-së ka ndaluar administratën Trump të rifillojë dëbimet e venezuelianëve nga një qendër paraburgimi në veri të Teksasit.
Ky vendim pengon depërtimet e njerëzve që qëndrojnë ilegalisht në SHBA, si pjesë e masave të ashpra kundër emigracionit të ndërmarra nga Donald Trump kur u rikthye në detyrë në Janar.
Menjëherë erdhi edhe reagimi i kreut të Shtëpisë së Bardhë i cili shprehu pakënaqësinë e tij në një reagim në platformën Truth Social.
“Gjykata Supreme nuk do të na lejojë të dëbojmë kriminelët nga vendi ynë!” shkroi ai.
Sipas tij vendimi do të inkurajojë kriminelë të tjerë të hyjnë në vend ilegalisht dhe se kjo është një ditë mjaft e rrezikshme për Amerikën.
Emigrantët janë akuzuar si anëtarë të Tren de Aragua, një bandë kriminale, të cilën Departamenti i Shtetit e ka përcaktuar si një organizatë terroriste të huaj. Të afërmit e qindra venezuelianëve të depërtuar kanë mohuar se ata janë anëtarë të Tren de Aragua.
Akti i Armiqve të Huaj autorizon presidentin të depërtojë, ndalojë ose vendosë kufizime ndaj individëve, që mund të përbëjnë një rrezik për sigurinë kombëtare.
Qeveria amerikane e përdori për herë të fundit Aktin e Armiqve të Huaj gjatë Luftës së Dytë Botërore për të internuar dhe depërtuar njerëz me prejardhje japoneze, gjermane dhe italiane.
