Kreu i Sindikatës së Pedagogëve, Sandër Kovaçi teksa deklaroi se orët e humbura mësimore do të zëvendësohen si në kohën e pandemisë, sqaroi dhe arsyet se pse të rinjtë zgjedhin më shumë degën e Infermierisë.
Sipas tij, kuotat për Infermieri janë të mbushura për shkak se duan të largohen.
“Do vazhdojmë protestën tonë 7% është i pavlefshëm për të ndryshuar situatën e arsimit të lartë.
Bojkoti do të vazhdojë çdo ditë derisa qeveria të premtojë se do plotësohen kërkesat. Sot nuk do të ketë mësim, studentë të na mirëkuptojnë.
Mi 75% e publiku kanë mbështetur idenë se kemi të drejtë në kërkesat tona.
Kryeministri të financojë universitete e rretheve. Të profilizohen Universitetet e rretheve.
Të gjithë e kanë mendjen të largohen nga Shqipëri, ndaj të gjithë janë regjistruar për infermieri në Vlorë.
Erdhi në fshehtësi dhe iku në fshehtësi. Përshkallëzimi nuk e duam, s’duam të ndërpresim mësimin, por është më seriozët. Do i zëvendësohen orët e mësimit, në orë shtesë, fundjavë. Studentët janë dakord që kërkesat tona janë të drejta.
S’kemi pasur komunikim me Ministrinë e Arsimit”, tha ai.
Sot Rama hodhi një ide të re sa i takon ndarjes së degëve në universitete e vendit, që sipas tij duhet të lokalizohen dhe mos të jenë të shpërndara, duke marrë shembullin e degës së Juridikut dhe të Infermierisë.
