Kundërshtar i vaksinave dhe nip i presidentit Kennedy, kush është i zgjedhuri i Trump për Shëndetësinë në SHBA

Kennedy, 70 vjeç, e mbështeti Trump pasi i dha fund fushatës së tij për president në gusht. Ai është djali i ish-prokurorit të përgjithshëm dhe kandidatit presidencial Robert F Kennedy dhe nipi i presidentit John F Kennedy.

I trajnuar si avokat mjedisor, RFK Jr fitoi famë për përhapjen e teorive konspirative dhe vënien në dyshim të kërkimit shkencor.

Ai ka përforcuar idetë se vaksinat janë të lidhura me autizmin tek fëmijët, ka promovuar idenë se HIV nuk është shkaku i SIDA-s dhe ka lidhur disa antidepresivë me rritjen e të shtënave në shkolla dhe përdorimin e një herbicidi të caktuar me rritjen e transgjinorëve mes të rinjve.

Pozicioni për të drejtuar departamentin e shëndetësisë në SHBA ka nevojë për miratimin e Senatit. Nëse miratohet, ekspertët thonë se vaksinat do të jenë “çështja e parë në tryezë”.