Koreja e Veriut ka deklaruar se ka testuar një dron sulmues nëndetëse me aftësi bërthamore për herë të dytë brenda disa javësh.
Droni nënujor pa pilot, i njohur si Haeil-2, ka “potencial të favorshëm dhe potencial ushtarak” për ushtrinë e Koresë së Veriut, raportoi media e kontrolluar nga shteti KCNA.
Ai mund të përdoret për të penguar “veprimet ushtarake nga armiqtë”, thuhet në raport, përkatësisht Shtetet e Bashkuara dhe Koreja e Jugut.
Testi thuhet se është zhvilluar midis 4 dhe 7 prillit.
Droni mbuloi një distancë prej 1000 kilometrash duke ndjekur një rrugë eliptike për më shumë se 71 orë”, theksoi KCNA.
Tensionet në gadishullin Korean janë rritur ndjeshëm që nga viti i kaluar. Koreja e Veriut po teston gjithnjë e më shumë raketa me aftësi bërthamore, pavarësisht një ndalimi nga rezolutat e OKB-së.
Ndërkohë, Shtetet e Bashkuara dhe Koreja e Jugut kanë rifilluar stërvitjet e përbashkëta ushtarake në shkallë të plotë.
