Kryeministri Edi Rama ka zhvilluar një takim këtë të premte, 26 shtator, me kryeparlamentarin Niko Peleshi si dhe kreret e komisioneve të Partisë Socialiste që pritet të nisin punën javën e ardhshme.
Raportohet se takimi mes kreut të qeverisë dhe Peleshit ka pak minuta që ka mbaruar.
Ky zhvillim vjen disa ditë përpara të mbahet Konferenca e Kryetarëve (të hënën) ku do të diskutohet programi i punës së Parlamentit që i hap rrugë dhe nisjes së punës në komisionet.
Komisionet e Përhershme Parlamentare të drejtuara nga PS:
-Komisioni për Ekonominë, Punësimin dhe Financat
-Komisioni për Çështjet Ligjore dhe Administratën Publike
-Komisioni për Çështjet e Brendshme dhe Mbrojtjen
-Komisioni për Edukimin, Shkencën dhe Sportet
-Komisioni për Shëndetësinë dhe Mirëqenien Sociale
-Komisioni për Burimet Natyrore, Infrastrukturën dhe Zhvillimin e Qëndrueshëm
-Komisioni për të Drejtat e Njeriut dhe Mjetet e Informimit Publik
-Komisioni për Bujqësinë, Ushqimin dhe Zhvillimin Rural
-Komisioni për Kulturën, Turizmin dhe Diasporën
-Komisioni për Europën dhe Punët e Jashtme
-Komisioni për Nismat Qytetare, Bashkëpunimin dhe Mbikëqyrjen Institucionale
