Rrjetet sociale në Australi u mbushën me pamje të disa objekteve që njerëzit menduan se ishin UFO që fluturonin mbi Queensland dhe New South Wales verior më 30 korrik.
Por ekspertët thanë se ajo që po shihnin në të vërtetë ishte një raketë kineze që po kalonte mbi Australi.
Astrofizikanti dhe kozmologu Brad Tucker nga Australian National University tha se objekti misterioz ishte në fakt tym raketash që vjen nga ndarja e pjesëve të saj gjatë nisjes.
“Kjo erdhi nga një raketë kineze, Long March 8A që u nis në orën 06:15. Kështu që përputhet”, tha Tucker.
Sipas mediave kineze, raketa u ngrit nga porti hapësinor Hainan në orën 05:49 të së mërkurës dhe shërben për të dërguar satelitët kinezë të internetit në orbitë.
