Chelsea ka fituar Botërorin e Klubeve. Londinezët triumfuan pastër me rezultatin 3-0 ndaj Paris Saint-Germain, për të marrë trofeun.
Fitore me dominim nga anglezët, që ishin më kërkues nga fillimi.
Takimi u vendos nga 3 golat e shënuar në pjesën e parë. Palmer shkëlqeu me dopietë në minutat 22 dhe 30, ndërsa asistoi te goli i tretë, i shënuar nga Joao Pedro në minutën e 43-të.
Pjesa e dytë ishte më e qetë, duke mos prodhuar asnjë gol.
Francezët e mbyllën me 10 lojtarë, pasi Joao Neves u ndëshkua me të kuq në minutën e 84-t, për sjellje anti-sportive ndaj Cucurella-s.
Chelsea e mbyll sezonin me dy trofe të rëndësishëm, si Conference League dhe tani Botërori i Klubeve. Në krahun tjetër, “thyhet” PSG-ja që dukej si një makineri e pandalshme.
