Bashkëshortja e kryebashkiakut të Tiranës, Ajola Xoxa, është paraqitur sot në SPAK për një seancë pyetjeje. Ajola Xoxa është duke u marrë në pyetje nga prokurorët e SPAK-ut për çështje të rëndësishme hetimore.
Kujtojmë se vetëm pak ditë më parë, autoritetet ushtruan një kontroll në biznesin dhe banesën e saj, gjatë të cilit iu sekuestrua një telefon personal. Ky hetim vjen pas disa zhvillimeve të mëparshme, ndërkohë që GJKKO refuzoi dy ditë më parë kërkesën e Ajola Xoxës për t’i rikthyer telefonin, i cili do të qëndrojë në duart e SPAK-ut për hulumtime më të thelluara.
Ky zhvillim ka nxitur një sërë diskutimesh dhe reagimesh në publik, duke e vënë në qendër të vëmendjes së opinionit publik situatën e krijuar rreth bashkëshortes së kryebashkiakut të Tiranës.
