Katastrofa nga përmbytjet në Spanjë, 202 persona të vdekur! 50 mijë banorë pa energji në Valencia Ndersa zgjedhjet presidenciale që do të mbahen më 5 nëntor në SHBA po afrohen, deri më sot kanë votuar para kohe mbi 65 milionë qytetarë. Laboratori zgjedhor i Universitetit të Floridës njoftoi numrin e votave që janë përdorur para kohe deri më sot. Prej atje njoftuan se deri më sot në të gjithë vendin kanë votuar para kohe mbi 65 milion qytetarë. Në deklaratë thuhet se më shumë se 34 milionë prej tyre votuan personalisht dhe afërsisht 31 milionë amerikanë votuan para kohe me postë. Në SHBA gjenden 244 milionë votues, ndërsa në zgjedhjet presidenciale të vitit 2020 u shënua një pjesëmarrje rekord prej 66,6 për qind ku votuan rreth 159 milionë njerëz. Ndërsa votimi i parakohshëm vazhdon deri në ditën e zgjedhjeve në shumë shtete, votat e parakohshme të hedhura me postë ose duke shkuar në qendrat e votimit do të numërohen së bashku me votat e hedhura më 5 nëntor, pas mbylljes së qendrave të votimit atë ditë. Presidenti amerikan Joe Biden, votimin e tij të parakohshëm për zgjedhjet presidenciale të 5 nëntorit nga të cilat u tërhoq nga gara në muajin korrik, e kreu në qytetin e tij Delawar.

Dramatike janë orët që po jetojnë banorët e Valencias, Kastiljes dhe zonave përreth, nga përmbytjet e paprecedenta të shkaktuara nga stuhitë që goditën Spanjën lindore. Me numrin e viktimave deri tani në 202 dhe kërkimin për të zhdukurit, askush në Valencia dhe Castile nuk mund të flasë ende për ditën në vazhdim, pasi ngjarja më e keqe e motit të shekullit të 21-të për vendin iberik nuk duket të ketë përfunduar ende.

Në këtë kontekst, kryeministri spanjoll Pedro Sanchez u bëri thirrje sot banorëve të rajonit të Valencias që të “qëndrojnë në shtëpitë e tyre” pasi rreziku mbetet. Siç kishte bërë mbreti Felipe VI, Sanchez theksoi se episodi i motit të keq që shkaktoi përmbytjet “vazhdon” dhe u bëri thirrje të gjithë atyre që jetojnë në zonat e prekura të kenë vigjilencën maksimale.

“Prioriteti në këtë moment është identifikimi i viktimave” që janë ende nën rrënoja “dhe të zhdukurve”, u tha Sanchez gazetarëve në fund të një vizite në Valencia, kryeqyteti i rajonit me të njëjtin emër që regjistroi numrin më të madh të viktimave. Sanchez nuk ka specifikuar numrin e personave të zhdukur, por shtypi spanjoll vlerëson se janë dhjetëra persona.

Sipas të dhënave të disponueshme, viktimat, të cilët kanë zbritur në garazh për të marrë makinat e tyre, janë befasuar nga ujërat e vrullshme dhe janë bllokuar në një kurth vdekjeje. ABC raportoi se në mesin e të vdekurve ishte një çift i martuar dhe vajza e tyre të cilët kishin dalë për të marrë automjetet e tyre të martën pasdite. Mes viktimave ka qenë edhe një polic në detyrë lokale.