Policia e Tiranës njoftoi sot se vendosi masa administrative për 23 shtetas pasi gjatë tubimit të djeshëm bllokuan rrugën dhe penguan qarkullimin e automjeteve.
Policia njoftoi se në zbatim të Aktit Normativ, janë plotësuar 23 procesverbale për konstatimin e kundërvajtjeve administrative, për shtetas të cilët gjatë tubimit të zhvilluar pasditen e djeshme, në bulevardin “Dëshmorët e Kombit”, kanë bllokuar rrugën dhe kanë penguar qarkullimin e mjeteve të transportit, pavarësisht thirrjeve të përsëritura të punonjësve të Policisë, nëpërmjet megafonit.
Për secilin prej tyre është vendosur masa administrative gjobë me vlerë 5 000 lekë.
