Aksident në aksin rrugor Korçë-Pogradec, në Maliq.
Ngjarja ka ndodhur në afërsi të Libonikut.
Mësohet se një mjet ka përplasur një biçikletë, dhe për pasojë drejtuesi i kësaj të fundit ka ndërruar jetë.
Bëhet fjalë për shtetasin Nazif Sulollari, ndërkohë drejtuesi i mjetit është Albert Pura. Policia ndodhet në vendin e ngjarjes, ndërsa po heton për aksidentin në fjalë.
NJOFTIMI I POLICISE
Më datë 09.09.2022, rreth orës 14:55, në aksin rrugor Korçë-Pogradec, pranë fshatit Libonik, Maliq, shtetasi A. P., duke drejtuar mjetin tip “Ford” ka përplasur biçiklistin N. S., 65 vjeç, banues në fshatin Symiz, Maliq, i cili u dërgua në spitalin e Korçës, ku ka ndërruar jetë.
Me drejtuesin e mjetit po kryen veprimet e mëtejshme procedurale.
Grupi hetimor po punon për të sqaruar rrethanat dhe përcaktuar shkaqet e aksidentit.
