Vetëm 3 minuta iu deshën autorit të maskuar dhe të armatosur për të boshatisur arkën e një banke të nivelit të dytë në zonën e Komunës së Parisit paraditen e kësaj të hëne.
Nisur nga pamjet e kamerave të sigurisë së bankës, të cilat tashmë janë në dorë të hetuesve, është krijuar bindja se autori ende i pa identifikuar e ka njohur mirë planimetrinë e bankës dhe funksionimin e saj.
Menjëherë sapo futet në ambientet e bankës i maskuar me skafandër dhe me pistoletë në dorë ai kërcënon rojën duke e izoluar në pjesën fundore të bankës, me pas kapërcen banakun e arkës dhe merr prej andej gjithçka gjen në sirtar. Sipas bankës autori ka mundur të marrë rreth 60 mijë euro.
Më pas i pa shqetësuar dhe pa lënduar askënd ai u largua nga zona me një monopatinë.
Policia e Tiranës ka ngritur një grup hetimor për rastin dhe po punon në disa drejtime për identifikimin dhe arrestimin e këtij grabitësi.
