Prokuroria e Posaçme Antikorrupsion (SPAK) i ka komunikuar mbylljen e hetime ish-kreut të Autoritetit Rrugor Shqiptar (ARSSH), Ervis Berberit, i pandehur në dosjen “Balluku”. Berberi akuzohet për “Shkelje të barazisë në tendera” në nëntë raste.
Aktualisht ai ndodhet në qeli për një tjetër çështje i akuzuar për “shpërdorim detyre”, “korrupsion pasiv”, “shkelje të barazisë në tendera” dhe “pastrim produktesh”. SPAK ka hetuar mbi 8 procedura tenderimi dhe në 6 prej tyre ka rezultuar se Berberi, është korruptuar nga 3 biznesmenë në vlerën e 77 milionë lekëve.
Këto para, janë marr nga ish-zyrtari nëpërmjet një kompanie, pronësinë e të cilës ia kishte kaluar fiktivisht 3 biznesmenëve në 2019. Përmes hetimeve dhe të dhënave të përftuara nga kompjuterët dhe telefonat e të pandehurve, SPAK thotë se ka dokumentuar që Berberi kishte lidhje dhe kontrollonte këtë kompani duke përdorur financat e saj.
