Drejtori i Policisë së Shtetit Skënder Hita tha se janë identifikuar dhe arrestuar disa prej protestuesve që kanë dëmtuar dhe grabitur bankat e nivelit të dytë në Tiranë.
Ai tha se, nëse situata vijon kështu, do të tregojnë forcën e ligjit.
“Vjedhja e bankave dhe institucioneve financiare, ne kemi arrestuar disa prej tyre. Vazhdon puna për identifikimin e personave të tjerë. Edhe sot është dëmtuar një institucion financiar.
Policia ndërhyri dhe arriti të identifikojë disa prej tyre. Nëse vazhdon kështu, jemi të detyruar të tregojmë forcën e ligjit”, tha Hita.
