Një ngjarje e rëndë është shënuar në Krutje të Lushnjës, ku një person dyshohet se ka vrarë nënën e tij dhe ka plagosur rëndë babanë.
Sipas të dhënave paraprake, pas ngjarjes autori, i cili dyshohet se vuan nga probleme të shëndetit mendor, u largua nga vendi i krimit. Pas rreth një orë nga kryerja e krimit, ai u arrestua në Grecalli, Fier, teksa po shkonte tek e motra.
“Autori i dyshuar u kap duke drejtuar automjetin e vëllait, në tentativë për të dalë nga qarku Fier.Në vijim të informacionit paraprak të dhënë për ngjarjen e ndodhur në fshatin Zhymë, Lushnjë, ju informojmë se:Menjëherë pas ngjarjes, forca të shumta të Policisë rrethuan zonën, ngritën pika kontrolli dhe u vunë në ndjekje të autorit, i cili paraqiste rrezikshmëri edhe për banorët e tjerë.Si rezultat i reagimit të menjëhershëm dhe angazhimit të shërbimeve të Policisë së Drejtorisë Vendore të Policisë Fier dhe Komisariatit të Policisë Lushnjë, u bë i mundur lokalizimi i autorit të dyshuar, pranë Spitalit Memorial, Fier, dhe vënia në pranga e tij, rreth një orë pas ngjarjes. Shtetasi F. D., 45 vjeç, është shoqëruar në ambientet e Drejtorisë Vendore të Policisë Fier, së bashku me automjetin që drejtonte, ku po kryhen veprimet procedurale.Grupi hetimor vijon punën për dokumentimin e plotë të ngjarjes dhe sqarimin e rrethanave të saj“, njoftojnë uniformat blu.
Raportohet se 77-vjeçari është transferuar në Tiranë për mjekim të specializuar.
Policia dhe grupi hetimor kanë nisur veprimet për zbardhjen e rrethanave të ngjarjes, ndërsa vijon puna për lokalizimin dhe kapjen e autorit të dyshuar.
