Kryetari i PD-së, Sali Berisha ka reaguar në lidhje me protestat e banorëve të zonës Naftëmbajtëse të Marinës sa i takon mos respektimit të kontratave të qirave të tokave nga ana e Bankers Petrolium.
Ai tha se Bankers duhet t’i dëmshpërblejë për çdo dëm dhe detyrim banorët.
Banorët kanë të drejtë. Bankers duhet të zhdëmtojë të gjithë për të gjitha pasojat që dalin nga teknologjia që përdor në këtë zonë. Nuk dua të përhap panik te banorët, por disa studime tregojnë se aty ka rritje të të sëmurëve me kancer. Ata janë njerëz të pambrojtur, pa shtet. Nëse studimi në vende të tjera të botës, do të zyrtarizohej, do të bëhej përgjegjës për rritjen e rasteve me kancer. Banorët e asaj zone, që është fusha e naftës më e madhe në Europë, meritojnë dëmshpërblim të plotë. Meritojnë ligjërisht një kontroll shëndetësor shumë serioz dhe mbështetje kundër pasojave që mund të jetë krijuar në atë zonë nga gazrat.”
