Kreu i PD, Sali Berisha ka reaguar ditën e sotme për protestat e vazhdueshme për projektin në Zvërnec.
“E mbështesim të drejtën e qytetarit për protestë. Qëndrimi ynë është ky: ajo është një protestë, jo e thirrur nga PD. Nuk ka asnjë thirrje që të mbështetet nga PD.
Kështu që ne, në moralin e plotë të qëndrimit ndaj protestave, nuk kemi asnjë tendencë. Qëndrimi ynë është respektimi i plotë i protestës. Nuk mund të marrim përsipër asnjë hap që mund të krijojë debat të çfarëdollojshëm. Ne e respektojmë.
Theksojmë se qytetarët e lirë kanë të drejtën të protestojnë për çdo gjë që ata e gjykojnë të arsyeshme. PD ka agjendën e saj të protestave. Kur ajo thërret në protestë, është e hapur për të gjithë qytetarët që duan të angazhohen. Në këtë kontekst, ne e respektojmë plotësisht protestën”, u shpreh Berisha.
