Shërbimi Meteorologjik Ushtarak njoftoi se ditën e premte vendi ynë do të ndikohet nga kushte atmosferike relativisht të paqëndrueshme.
Moti parashikohet me kthjellime si dhe alternime vranësirash të cilat hera-herës priten të jenë deri mesatare, këto të fundit kryesisht pas orëve të mesditës në relievet malore.
Priten reshje lokale shiu me intensitet kryesisht të ulët në orët e mesditës në relievet malore në jug.
Era do të fryjë me drejtim verilindje-veriperëndim me shpejtësi mesatare 8 m/s, përgjatë vijës bregdetare dhe lugina era me shpejtësi deri në 14 m/s.
Valëzimi në detet Adriatik dhe Jon pritet i forcës 2-3 ballë.
