Dy kineze dhe një shqiptar janë vënë në pranga si pasojë e një operacioni policor kundër prostitucionit në Durrës.
Dy shtetaset kineze kishin marrë me qira dy apartamente në lagjen numër 13 në qytetin bregdetar dhe më pas e kishin përshtatur për shfrytëzim prostitucioni.
Për këtë arsye policia ka vënë nën hetim dy kineze dhe pesë shtetas shqiptarë për “prostitucion”.
Ndërkohë janë sekuestruar pasaportat e tyre, shuma parash, celularë dhe karta krediti.
Sa i përket shqiptarit të arrestuar ai është një 39-vjeçar. Ai u arrestua pasi ka dhënë apartamentet me qira pa kontrata dhe i kishte përshtatur për shfrytëzim prostitucioni.
