Qeveria turke ka propozuar organizimin e një samiti të energjisë, në shkurt për të sjellë së bashku vendet furnizuese me gaz nga e gjithë bota dhe importuesit evropianë.
Turqia shpreson të përfshijë kompanitë prodhuese të gazit nga Lindja e Mesme, Mesdheu, rajoni i Detit Kaspik dhe Azia Qendrore, dhe vendet importuese të gazit në Evropë.
“Ministri turk i Energjisë, Fatih Dönmez njoftoi sot se samiti do të zhvillohet më 14 dhe 15 shkurt në Stamboll”, sipas agjencisë shtetërore të lajmeve “Anadolu”.
Pushtimi i Rusisë në Ukrainë, prodhuesi kryesor i gazit, tronditi tregjet ndërkombëtare të gazit.
Shumë vende, përfshirë ato në Bashkimin Evropian, u përgjigjën me sanksione ndaj eksporteve ruse, ndërsa Rusia ka ndërprerë furnizimet në Evropë.
Vetë Turqia është e varur nga importet e gazit, kryesisht nga Rusia.
