Të paktën 19 palestinezë, përfshirë një vajzë katërvjeçare, kanë vdekur nga uria në 24 orët e fundit në Gaza, sipas BBC dhe CNN.
CNN raporton gjithashtu se që nga fillimi i konfliktit në tetor 2023, të paktën 76 fëmijë kanë vdekur nga kequshqyerja në Rrip.
“Nëntëmbëdhjetë persona, përfshirë fëmijë, kanë vdekur nga uria”, tha zëdhënësi i spitalit, Khalil al-Daqran për BBC-në.
“Spitalet nuk mund të sigurojnë më ushqim për pacientët ose anëtarët e stafit, shumë prej të cilëve janë fizikisht të paaftë të vazhdojnë të punojnë për shkak të urisë ekstreme”, theksoi ai.
Edhe nevojat themelore si formulat për foshnje nuk janë më të disponueshme.
“Spitalet nuk mund të sigurojnë asnjë shishe qumësht për fëmijët e uritur sepse formula për foshnje është shitur në treg”, shtoi ai.
“Gaza po përjeton fazën më të keqe të urisë, e cila ka arritur nivele katastrofike mes heshtjes së paparë ndërkombëtare”, komentoi al-Daqran duke shtuar se ”fëmijëve që tani po vdesin u është grabitur fëmijëria dy herë: një herë duke i bombarduar dhe vrarë, dhe herën e dytë duke i privuar nga qumështi dhe një copë bukë”
