Makina u përplas me mjetin e ushtrisë, këta janë dy personat që humbën jetën nga aksidenti në Gjirokastër

Shefki Salaria dhe  Pano Kalanderi janë dy personat që humbën jetën nga aksidenti në aksin Gjirokastër-Tepelenë, në vendin e quajtur “Kthesa e Viroit”.

Automjeti tip “Volkswagen Cady” me drejtues Kalanderin, 58 vjeç dhe pasagjerë Salaria është përplasur me automjetin tip “Mad” (automjet i Ushtrisë), me drejtues shtetasin B. Gj., 54 vjeç.

Fatkeqësisht drejtuesi i automjetit dhe pasagjeri humbën jetën, ndërsa shoferi i mjetit të ushtrisë ka marrë dëmtime të lehta.

Grupi hetimor vijon punon për sqarimin e rrethanave të aksidentit dhe për identifikimin e pasagjerit që ka humbur jetën.

Njoftim:

Në vijim të informacionit paraprak të dhënë ditën e djeshme, për aksidentin e ndodhur në aksin rrugor “Gjirokastër-Tepelenë”, në vendin e quajtur “Kthesa e Viroit”, informojmë se në vijim të veprimeve hetimore, specialistët e Sektorit të Policisë Rrugore arrestuan në flagrancë shtetasin B. Gj., 54 vjeç, banues në Tiranë, për veprën penale “Shkelja e rregullave të qarkullimit rrugor”.